Çitaku: Në rënie të lirë e diplomaci pa krye

Nënkryetarja e Partisë Demokratike të Kosovës, Vlora Çitaku, e ka cilësuar si në rënie të lirë e diplomaci pa krye diplomacinë e Kosovës pas kërcënimit që bëri presidenti francez, Emmanuel Macron, me kthim të vizave, dhe kundërpërgjigjen e ministres së Jashtme të Kosovës, Donika Gërvalla.

“Më i dëmshëm është konstatimi i Presidentit Macron për lidershipin e Kosovës si njerëz të pabesë që nuk e mbajnë fjalën, sesa deklarata për viza. Ndërkohë reagimi i Ministres së Jashtme skandaloz. Diplomaci pa krye. Në rënie të lirë”, ka shkruar ajo në Facebook, përcjell albinfo.ch.

Në një konferencë për media në Tiranë, Macron kërcënoi Kosovën me kthim të vizave “po që se nuk e mban fjalën e dhënë” dhe pas kësaj reagoi ministrja Gërvalla në Twitter në një shprehje frënge “Et voila (Ja pra)”.