Çka dëshmoi dëshmitarja serbe?

Dragica Bozhaniq ka dëshmuar në seancë të hapur si dëshmitarja e 17-të në rastin e Thaçit dhe të tjerëve.

Ajo pretendon se në fshatin e saj në Rahovec në vitin 1998 ishte sulmuar.

“Ata na morën ne, na sulmuan nga data 17 duke u gdhirë 18 korriku, më 18 korrik na morën nga oborri dhe kur e pashë këtë burrin, u befasova, sepse kishte pasur një marrëveshje përpara që ndryshe kishim rënë dakord. Na morën, hynë në shtëpitë tona me forcë, kërkuan disa gjëra, nuk e dimë se çfarë, na thanë uluni në tokë, ne u ulëm, djalin ma plagosën, se hodhën granatë dore në shtëpi dhe ai u rrëzua, i ranë tullat në fytyrë, i plagosën dhe sytë, kur e pashë, unë fillova të qaj dhe nuk e dija çfarë të bëja”, ka deklaruar dëshmitarja, përcjell albinfo.ch.

Ajo tutje ka shtuar se burri i saj kishte shoqëri më shumë me shqiptarët se sa me serbët.

Derisa përgjatë dëshmisë së saj ka thënë që policët serbë kishin armatosur të gjithë serbët e Kosovës në këtë periudhë.