Çka do të ndodhë me Brienz?

(KEYSTONE/Gian Ehrenzeller)

Fshati i vogël Brienz u desh të evakuohej në rast urgjence, pas paralajmërimeve për rrëshqitjen e shkëmbit në afërsi.

Pas disa muajve pasigurie, më 9 maj u dekretua në mënyrë urgjente evakuimi i këtij fshati prej 85 banorësh dhe u desh të largoheshin nga vendi të premten e kaluar.

Ky është operacioni më i madh i këtij lloji në historinë e Zvicrës. Mjaft për të tërhequr mediat ndërkombëtare, veçanërisht gjermane dhe austriake, shkruan RTS.

“Nuk po e marrim lehtë këtë vendim. Përkundrazi. Por aktualisht masat thjesht na thonë se ky vendim duhet marrë”, u justifikua me tone serioze kryetari i Komunës, Daniel Albertin.

Shumë njerëz që jetojnë jashtë zonës së rrezikut gjithashtu u solidarizuan. Kantoni Graubünden po akordon ndihma prej 500,000 frangash.

Këto ndihma nuk janë të mjaftueshme për të ngushëlluar Anna Bergamin, një ish-banore e Brienz. “Jam shumë e trishtuar. Nuk e dimë nëse pas dy javësh Brienz do të jetë ende atje, apo nëse do të mbetet vetëm gjysma. Tani shpresojmë që gurët të zbresin ngadalë”, ajo e lëshoi zemrën rëndë të dielën në emisionin Mise au point.

“Brienz mbetet shtëpia ime”, u shpreh ajo, shkruan RTS.