Çka tha familjari i të zhdukurve në protestën e veteranëve?

Bajram Çerkinaj, kryetar i shoqatës “Zëri i Prindërve”, është shprehur i revoltuar me trajtimin që Qeveria e Kosovës po u bën veteranëve të Luftës së UÇK-së.

“Nuk mundesh me i rrejt ata që i ke rrejt para dy vjetësh. Edhe ata janë mbush mend me e ditë kush është Albin Kurti”, ka deklaruar Çerkinaj.

“UÇK, Liri, ju jeni liria e Kosovës. Flisni fort e flisni çlirë. Unë shoqatën e dëshmorëve, veteranëve e luftës janë edhe dëshmorë edhe më të mëdhenj…. Krejt Kosova është për liri. Kush është ai që s’i përkrah. O ju që po na udhëheqni, ku jeni more? Ku jeni more për këtë popull? Ruani se ju nuk dini se çka është liria. Ju dini veç me rrejt e me shëmtu edhe ma zi se ata që na kanë shëmtuar gjakpirësit e 98-s e 99-s. Tmerr po jetojmë. E kemi gëzuar një liri e ne po e dëmtojmë atë. Kush janë ata? Këta që po thonë se veteranët s’kanë të drejtë të marrin pagë normale, s’kanë të drejtë të marrin frymë, s’kanë të drejtë fëmijët t’i shkollojnë. Kush po na pengon?”, është shprehur ai tutje.