Çmimi i benzinës në Austri është rritur për 46 centë vetëm në dy javët e fundit

Më shpejt se kudo tjetër në BE.

Çmimi i benzinës në Austri është rritur për 46 centë vetëm në dy javët e fundit – më shpejt se kudo tjetër në BE. Politikanët dhe ekspertët tani po bëjnë thirrje për një hetim në gjithë industrinë, transmeton albinfo.ch.

Në asnjë vend tjetër të Bashkimit Evropian, çmimet e benzinës Eurosuper nuk janë rritur aq ndjeshëm që nga fundi i shkurtit sa në Austri, sipas analizës nga Verkehrsclub (VCÖ), Shoqata e Transportit të Austrisë, përcjell albinfo.ch.

Shoqata i ka bërë thirrje Autoritetit Federal të Konkurrencës të vendit (BWB) që të shqyrtojë rritjen e çmimeve.

Sipas analizës së VCÖ, një litër Super më 14 mars kushtonte 1,987 €, rreth 0,46 € më shumë se dy javë para fundit të shkurtit.

Kur bëhet fjalë për naftën, Austria kishte rritjen e dytë më të lartë të çmimit në BE pas Gjermanisë (0,57 €), me 0,50 €, tha VCÖ.

Megjithatë, arsyeja nuk është për shkak të taksave, pasi shumica e vendeve evropiane nuk kanë bërë asnjë ndryshim në taksimin e karburantit dhe taksat në Austri janë më të ulëta se në shumicën e vendeve të tjera, tha VCÖ.

---