Cyrih: 14,000 persona morë pjesë në paradën zyrtare të Ditës së Punës

(KEYSTONE/Georgios Kefalas)

Rreth 14 000 personash morën pjesë në paradën zyrtare të Ditës së Punës në qendër të Cyrihut më 1 maj, vlerësojnë sindikatat.

Policia e vlerëson shifrën në 14 000 pjesëmarrës, përcjell albinfo.ch.

Ata marshuan nën sloganet “solidaritet në vend të gjuhës së urrejtjes” dhe “kundër luftës dhe fashizmit”.

Sipas policisë, demonstrata ishte kryesisht paqësore, por disa protestues me fytyra të mbuluara dhe të veshur tërësisht me të zeza shkaktuan dëme në pronë.

Ndërkohë, në Gjenevë rreth 2 500 punonjës të Kombeve të Bashkuara protestuan kundër shkurtimeve të buxhetit të SHBA-së, të cilat tashmë kanë çuar në humbje vendesh pune dhe priten të sjellin të tjera në të ardhmen.