Cyrihu lëshon alarmin për fruthin

@Pixabay

Kantoni i Cyrihut ka lëshuar një alarm pasi rastet e fruthit janë në rritje.

Mjekja kantonale e Cyrihut, Franziska Kluschke, thotë se arsyeja janë boshllëqet e vaksinimit në grupe të caktuara, si të rinjtë dhe të rriturit e moshës së mesme, transmeton albinfo.ch.

Mjekët po kërkohen të kontrollojnë statusin e vaksinimit të pacientëve të tyre.

Ka pasur tetë raste që nga fillimi i vitit – shumë më tepër se në këtë kohë vitin e kaluar. Një rritje ka pasur edhe në të gjithë vendin.

Shenjat e para të fruthit janë normalisht ethe, ndjeshmëri ndaj dritës dhe inflamacion në gojë, përpara se të shpërthejë skuqja e njohur.

Shumica e rasteve shërohen pa pasoja të qëndrueshme – por një infeksion mund të shkaktojë meningjit, pneumoni dhe infeksione të veshit,, të cilat mund të çojnë në dëmtime të përhershme.

Në raste të rralla, vdekja.