Cyrihu prin me udhëtarë në aeroportin e Shkupit

Që nga fillimi i vitit 2016 deri në fund të muajit shkurt nga dy aeroportet në Maqedoni, Shkup dhe në Ohër, janë  transportuar një total prej 219,378 pasagjerësh, që është 27.9 për qind më shumë në krahasim me të njëjtën periudhë të vitit të kaluar, kur numri i udhëtarëve ka qenë 171.480.

Sipas Ministrisë së Transportit dhe Lidhjeve, aeroporti në Shkup në janar dhe shkurt 2016 ka regjistruar një total prej 211,696 pasagjerësh në krahasim me të njëjtën periudhë të vitit të kaluar, kur janë transportuar 168,388 pasagjerë, një rritje prej 25. 7 për qind.

Në aeroportin në Ohër për periudhën janar-shkurt të vitit 2016 janë transportuar 7682 udhëtarë, e cila tregon një rritje prej 148.4 për qind në krahasim me të njëjtën periudhë në vitin 2015, kur ishin transportuar 3.092 pasagjerë.

Sipas realizimit të trafikut, vendet më të zakonshme për nga numri i udhëtarëve për periudhën janar-shkurt ishte 12.2 Cyrihu, Stambolli me 12, Malmo 5.6, Bazel  5.2, Londër 5.1 dhe Vjenë 4.8 për qind.

Numri rekord i udhëtarëve dhe i kompanive që operojnë në destinacione të reja është rezultat i projektit të Qeverisë në Shkup për t’i subvencionuar aviokompanitë low-cost me qëllim të nxitjes dhe zhvillimit të transportit ajror. Në këtë kontekst, politikat pozitive për zhvillimin e trafikut ajror do të vazhdojnë të zbatohen në vitet e ardhshme, për të promovuar Maqedoninë si një vend turistik dhe destinacion atraktiv të biznesit.