DASH e sheh të papranueshëm presionin mbi serbët

Departamenti Amerikan i Shtetit (DASH) ka shprehur shqetësimin për dorëheqjet e fundit të policëve të porsaemëruar serbë në veri të Kosovës si pasojë e presionit.

Nga DASH thonë që kjo është e papranueshme.

“Policia e Kosovës ofron shërbime jetike për të gjitha komunitetet dhe qytetarët e Kosovës. Ne dënojmë çdo përpjekje për ta minuar diversitetin brenda radhëve të saj”, tha një zëdhënës i Departamentit të Shtetit për Radion Evropa e Lirë.

Departamenti i Shtetit i bëri thirrje Kosovës dhe Serbisë për t’u kthyer në dialog për normalizimin e marrëdhënieve. Së paku shtatë policë serbë kanë dhënë dorëheqje nga Policia e Kosovës që nga java e kaluar, gjë për të cilën autoritetet kosovare e fajësuan Beogradin zyrtar, përcjell albinfo.ch.