Daut Haradinaj heq dorë nga posti i deputetit

Deputeti i zgjedhur i AAK-së, Daut Haradinaj, ka hequr dorë nga mandati i përfaqësuesit të popullit në Kuvend.

Në letrën e tij publike, Haradinaj sqaron arsyet e dorëheqjes së tij.

Postimi i tij i plotë:

Të nderuar qytetarë të Republikës së Kosovës, votues të AAK-së!
Dëshiroj t’ ju falënderoj për besimin e dhënë tash e sa mandate, besim të cilin jam munduar ta kryej me nder duke qenë zëri juaj në Kuvend.
Tash ne rrethanat e reja që jemi, do të heq dorë nga ky mandat për t’i krijuar hapësirë Prof. Dr. Shemsedin Dreshajt të jetë deputet dhe për të pasur mundësi kohore që të jem më prezent nëpër komunat tona, edhe për faktin se do kemi zgjedhje këtë vjeshtë. Po ma kërkon struktura angazhimin në terren dhe nuk dua ta bëj punën në terren në dëm të mandatit të popullit.
Kolegëve të mi u dëshiroj suksese në këtë legjislaturë.
Do jemi shumë më të konsoliduar dhe më të përgatitur këtë vjeshtë.
Fituesit të këtyre zgjedhjeve u uroj suksese.
I juaji,
Daut Haradinaj