Dekorimi për Halloween shton thirrjet në polici

Dekorimi për Halloween shton thirrjet në polici

Një departament i policisë lokale në SHBA ka lutur njerëzit të mos thërrasin numrin 911 për të raportuar lidhur me një person të shtypur nga një derë e garazhit.

“Viktima” në Greene County të Tennesseet doli të ishte dekorim i frikshëm për Halloween.

Departamenti ka thënë se është duke marrë shumë thirrje lidhur me “një person të shtrirë dhe të mbuluar me gjak në një garazh”, shkruan Albinfo.

Hetuesit kishin bërë procedurat e tyre dhe kishin parë se ishte vetëm një dekorim për Natën e Shtrigave.

“Vëmendje të gjithë!!! Ata që kalojnë kah Chuckey Pike në Green County: Aty është një dekorim i Natës së Shtrigave! Mos e thirrni numrin 911 për të raportuar për një person të vdekur. Ndryshe, urime pronarit për paraqitjen”, ka thënë sherifi i këtij departamenti.

Amerikanët vitin e shkuar kishin shpenzuar 8.4 miliardë dollarë për Natën e Shtrigave.