Demarkacioni, pas disa muajve, bashkon liderët kosovarë

Ky takim, ashtu siç ishte pritur, duket se nuk do të sjelle asgjë konkrete, pasi opozita nuk po lëvizë nga qëndrimet e veta. Madje kryetari i AAK-së, Ramush Haradinaj ka braktisur takimin

Për herë të parë, pas ndarjes së koalicionit VLAN (Vetëvendosje, LDK-AAK dhe NISMA) në dhjetor 20114, koalicioni qeverisës i udhëhequr nga kryeministri Isa Mustafa dhe njëherësh kryetari i LDK-së, është takuar me liderët e partitë opozitare për zgjidhjen e problemit të Demarkacionit me Malin e Zi.

Ky takim, ashtu siç ishte pritur, duket se nuk do të sjelle asgjë konkrete, pasi opozita nuk po lëvizë nga qëndrimet e veta. Madje kryetari i AAK-së, Ramush Haradinaj ka braktisur takimin. Opozita po kërkon qe demarkacioni si marrëveshje aktuale, të kthehet në pikën zero dhe të formohet një komision i ri për të caktuar pikat e reja të kufirit.

Në takimin sotëm, që është i pari pas më shumë se një viti muajve, takimi po mbahet në hotelin ‘Swiss Diamond’, në Prishtinë, që është pronë e ish presidentit dhe biznesmenit Behgjet Pacolli.

Në takim po marrin pjesë të gjithë liderët, përveç Fatmir Limajt, partia e të cilit po përfaqësohet nga Jakup Krasniqi. Por Ramush Haradinaj ka lëshuar takimin. Kur është pyetur nëse ka pasur përafrim të qëndrimeve është shprehur se Isa Mustafa në takim ka folur sikur Murat Meha para një viti dhe e ka lëshuar takimin, pasi siç ka thënë nuk ka mundur ta durojë Mustafën.

Në këtë takim janë të pranishëm kryeministri i Kosovës Isa Mustafa, kryetari i Kuvendit dhe kryetari i PDK-së, Kadri Veseli, kryetari i Lëvizjes Vetëvendosje, Visar Ymeri, Jakup Krasniqi nga Nisma për Kosovën.

Demarkacioni me Malin e Zi është kusht për liberalizimin e vizave për Kosovën. Përfaqësuesit e BE-së, disa herë kanë thënë se pa demarkacion nuk ka integrim.