Denari në Maqedoni vlerësohet të jetë stabil

Guvernatorja e Bankës Popullore të Maqedonisë së Veriut, Anita Angelovska-Bezhoska, me rastin e 27-vjetorit të autonomisë monetare dhe futjen e denarit, ka theksuar se denari është i qëndrueshëm dhe strategjia monetare për mbajtjen e kursit të këmbimit të qëndrueshëm ndaj euros është optimale për ekonominë dhe në përputhje me karakteristikat e saj strukturore.

“Strategjia monetare e mbajtjes së kursit stabil të denarit ndaj euros është optimale për ekonominë tonë dhe në përputhje me karakteristikat e saj strukturore. Kursi i denarit është vazhdimisht në përputhje me nivelin që e përcaktojnë bazat ekonomike”, ka thënë Angelovska-Bezhoska.

Ajo ka vlerësuar se stabiliteti i monedhës vendore kontribuon në mënyrë të drejtpërdrejtë në inflacionin e ulët dhe në sistemin financiar të qëndrueshëm.