Deri më 1 korrik, mund të hiqet polica kufitare

Kryeparlamentari Kadri Veseli ka mbështetur idenë që brenda kësaj vere të hiqen policat kufitare për bashkatdhetarët

Autoritetet e Kosovës janë duke shqyrtuar mundësinë e heqjes së policës kufitare (Kartonit të gjelbër) për bashkatdhetarët që vijnë për pushime në vendlindje. Kjo policë e sigurimit po shqyrtohet të hiqet para 1 korrikut. Kështu të paktën ka thënë Rrahim Pacollin, kryesuesin e Delegacionit të Kosovës për bisedimet teknike me Brukselin lidhur me kartonin e gjelbër.

Pacolli sot ka takuar kryetari i Kuvendit të Republikës së Kosovës, Kadri Veseli, nga i cili ka marrë gjithashtu mbështetje për heqjen e kësaj police që godet kryesisht bashkatdhetarët.

Veseli e Pacoli biseduan rreth ecurisë së bisedimeve të deritashme teknike rreth lëvizjes së lirë, në mes të Kosovës e Serbisë dhe mundësitë e lehtësimeve për qarkullim të lirë të parashtruara në Bruksel nga pala kosovare.

Pacolli e njohu Veselin me pritjet rreth nënshkrimit të marrëveshjes teknike për lëvizjen e lirë në mes të Kosovës dhe Serbisë dhe vështirësitë aktuale që lidhen me mungesën e kartonit të gjelbër. Ndërsa Veseli përkrahu plotësisht angazhimet e Pacollit dhe inkurajoi idenë e largimit të detyrimeve financiare për bashkatdhetarët para 1 korrikut të këtij viti.