Dështon kërkesa e Rusisë për seancë për 25-vjetorin e bombardimeve të NATO-s

Këshilli i Sigurimit të Kombeve të Bashkuara nuk e ka miratuar agjendën e përkohshme të rendit të ditës, ku ishte kërkesa e delegacionit të Rusisë për të mbajtur seancë të jashtëzakonshme për Kosovën në lidhje me 25-vjetorin e bombardimeve të NATO-s ndaj caqeve serbe.

Në një votim procedural, tre anëtarë votuan pro, dy kundër dhe 12 të tjerë abstenuan, transmeton Albinfo.ch.

Në fjalimet e tyre, edhe përfaqësuesi i Francës, edhe ai i SHBA-së insistuan se Rusia nuk është konsultuar fare me anëtarët e Këshillit të Sigurimit për këtë seancë.

Përfaqësuesi i Rusisë ka thënë se kishte figuruar në agjendën dhe ishte publikuar në kalendar nga Presidenca Japoneze e OKB-së.

Ndërkohë përfaqësuesi i SHBA-së, pas votimit, përsëriti se ndërhyrja e NATO-s në ish-Jugosllavi para 25 vjetësh ishte legjitime./Albinfo.ch