Dështon seanca e Kuvendit të Maqedonisë ku do të flitej për ligjin për gjuhët

Kryetari i Parlamentit të Maqedonisë, Talat Xhaferi caktoi për sot në mesditë vazhdimin e seancës, e ku në rend e ditës ishte edhe Ligji për përdorimin e gjuhëve, për të cilin VMRO-DPMNE opozitare ka parashtruar 35.000 amendamente.

Por koordinimi i grupeve parlamentare nuk solli zgjidhje konkrete pasi  VMRO-DPMNE-së nuk pranoi të kthehej në Kuvend.

Televizioni “Alsat” raporton se nesër ka mundësi të caktohet seanca për leximin e tretë dhe shqyrtimin e mbi 35 mijë amendamenteve për ligjin për përdorimin e gjuhëve, megjithatë partitë nuk e kanë konfirmuar një gjë të tillë, përcjell albinfo.ch.

Një ditë më parë, dy liderët Zoran Zaev dhe Hristijan Mickovski, pas takimit në Qeveri, deklaruan se qëndrimet e tyre sa i takon ligjit për përdorimin e gjuhëve, mbeten diametralisht të kundërta.