Dhjetë këshilla për vozitje të sigurt në mjegull

Një mjegull e dendur në rrugë është jashtëzakonisht e rrezikshme për vozitje.

Për të pasur një vozitje më të lehtë dhe më të sigurt, këtu ju i keni disa këshilla kur jeni duke vozitur në një rrugë me mjegull, përcjell albinfo.ch.

Dilni në rrugë vetëm nëse ju duhet patjetër

Mjegulla zakonisht zbret herët në mëngjes dhe në mbrëmje përreth zonës afër lumenjve dhe liqeneve.

Pra, nëse mund të zgjidhni, përpiquni të shmangni ngasjen në atë kohë të ditës.

 Ule shpejtësinë

Rregulloni shpejtësinë në gjendjen dhe kushtet e rrugës.

Kjo praktikisht do të thotë që ju duhet të vozisni nëpër mjegull me një shpejtësi me të cilën do të jeni në gjendje të ndaleni para çdo pengese kur ta vëreni atë.

 Rritni distancën

Në kushtet e dukshmërisë së zvogëluar, siç është mjegulla, mbaj një distancë më të madhe nga automjeti para.

Kjo ju jep më shumë kohë për të reaguar në rast të rrethanave të paparashikuara.

Vijat e rrugës, si pika referimi

Kur lëvizni nëpër mjegullën e dendur, përdorni vijën qendrore dhe vijën e djathtë të skajit të rrugës si pika referimi, nëse është e shënuar.

Në mënyrë që të shmangni automjetet nga kahu i kundërt, si dhe këmbësorët dhe çiklistët që lëvizin përgjatë skajit të djathtë të rrugës, përpiquni ta mbani automjetin gjithmonë në mënyrë të barabartë larg nga ato dy linja.

 Në kryqëzim, kujdes shtesë

Kur afroheni në kryqëzim, ulni dritaret dhe dëgjoni trafikun.

Kjo është një mënyrë e mirë që nëse shikimi është aq i dobët, ju prapë e dini se kur mund ta kaloni atë.

Dhe, gjithashtu duhet t’u kushtoni rëndësi këtyre fakteve:

Kujdes nga akulli

Ndizni katër sinjalizuesit kur ndaloni

 Ndizni ngrohësen e xhamave

Dritat e mjegullës

 Fikni gjithçka që mund t’ju shqetësojë.

---