Diasporës i rekomandohet dërgimi i fletëvotimeve me postë të shpejtë

Gjasat që vota juaj të vonohet dhe të arrij pas 14 Shkurtit e të shpallet e pavlefshme është e madhe, nëse votoni pas 5 shkurtit", ka shkruar Haxhi Avdyli kandidat për deputet në listën e Vetëvendosjes

Nesër në mëngjes të gjithë votuesit e regjistruar jashtë Kosovës dhe të verifikuar nga ana e KQZ-së do të mund të shkarkojnë fletëvotimet për të votuar për zgjedhjet e 14 shkurtit, raporton Albinfo.ch.

E për tu regjistruar si votë e vlefshme ajo duhet të arrijë në Kosovë përmes postës para datës 14 shkurt.

Andaj, diasporës po u rekomandohet që fletëvotimet e tyre ti dërgojnë përmes postës së shpejtë, në mënyrë që të mos rrezikohet anulimi i votave për shkak të vonesave eventuale të postës, shkruan tutje Albinfo.ch.

“Të gjithë ju mërgimtarë, që jeni regjistruar për të votuar me POSTË, nga nesër ,me 2 shkurt sapo të tërhiqni Fletëvotimin, mbusheni dhe ta dërgoni që ditët e para. Mundësisht me POSTË të shpejtë. Gjasat që vota juaj të vonohet dhe të arrij pas 14 Shkurtit e të shpallet e pavlefshme është e madhe, nëse votoni pas 5 shkurtit”, ka shkruar Haxhi Avdyli kandidat për deputet në listën e Vetëvendosjes.

---