Dinari diskutohet sot në Bruksel, palët kanë propozimet e tyre

Kryenegociatori i Kosovës për dialog, Besnik Bislimi, do të takohet të hënën me kryenegociatorin serb, Petar Petkoviq, në Bruksel, për të diskutuar mbi propozimet që palët kanë për një zgjidhje afatshkurtër lidhur me çështjen e dinarit.

Qeveria theksoi se Republika e Kosovës e ka bërë të qartë që do ofrojë zgjidhje teknike, sipas planit që ajo u ka ofruar edhe shteteve të QUINT-it javë më parë.

Nga Qeveria e Kosovës nuk kanë bërë të ditur nëse kanë dërguar propozimet për dinarin, afati për të cilat ka qenë deri më 22 mars.

Mirëpo, kryeministri Albin Kurti ka thënë të premten se Rregullorja e BQK-së është e panegociueshme dhe se nuk do të pranojnë propozime që bien ndesh me të./KosovaPress