Disa aplikacione të Androidit kapen duke vjedhur fjalëkalimet në Facebook

Google ndërhyri për të hequr nëntë aplikacione Android të shkarkuara më shumë se 5.8 milionë herë nga Play Store i kompanisë, pasi aplikacionet u kapën duke vjedhur fshehurazi kredencialet e hyrjes në Facebook të përdoruesve.

“Aplikimet ishin plotësisht funksionale, gjë që supozohej të dobësonte vigjilencën e viktimave të mundshme. Me këtë, për të hyrë në të gjitha funksionet e aplikacioneve dhe, gjoja, për të çaktivizuar reklamat brenda aplikacioneve, përdoruesit u nxitën të hynin në llogaritë e tyre në Facebook”, kanë thënë studiuesit nga Dr. Web.

Aplikacionet maskuan qëllimin e tyre për të mashtruar viktimat që të hynin në llogarinë e tyre në Facebook dhe të rrëmbenin kredencialet e futura përmes një pjese të kodit JavaScript.

Lista e aplikacioneve:

PIP Photo (>5.000.000 instalime)

Processing Photo (>500.000)

Rubbish Cleaner (>100.000)

Horoscope Daily (>100.000)

Inwell Fitness (>100.000)

App Lock Keep (50.000)

Lockit Master (5.000)

Horoscope Pi (>1.000)

App Lock Manager (10)