Disenjatorja Llapashtica nxjerr koleksionin e ri me 7 fustane unike

Vjollca Llapashtica ka thënë se secili fustan është krijim në vete, unik dhe këto krijime nuk përsëriten më

Koleksioni më i ri i disenjatorës Vjollca Llapashtica ka vetëm shtatë fustane dhe secili nga ta është unik, e të cilët janë të punuar me peliçe, punë dore, gurë, etj., me ngjyra mbretërore, ari dhe argjend, qumështi, e zezë etj., me materiale nga Italia dhe Franca.

Disenjatorja Llapashtica ka thënë se secili fustan është krijim në vete, unik dhe këto krijime nuk përsëriten më. “Jo vetëm në rajon, por edhe në Evropë e më tej, besoj se askush kësi lloj koleksioni nuk ka krijuar deri më tani”.

Ndërsa sa i përket numrit, pra pse vetëm shtatë fustane për një koleksion, Vjollca ka thënë se ky numër i pëlqen vajzës sime të vetme, Emës dhe, nga ana tjetër, e kam nxjerrë me rastin e përvjetorit të shtatë të punës sime të suksesshme në Kosovë.