“Ditët e Gjuhës Gjermane” në Prishtinë

Pjesë e ngjarjes do të jenë programe të ndryshme në gjuhën gjermane për njohës fillestarë dhe të avancuar të saj

Ambasada e Gjermanisë, në bashkëpunim me Ambasadën e Austrisë dhe të Zvicrës, nga data 18 e deri më 27 maj, organizojnë në Prishtinë, “Ditët e Gjuhës Gjermane”.

Pjesë e ngjarjes do të jenë programe të ndryshme në gjuhën gjermane për njohës fillestarë dhe të avancuar të saj.

Në mesin e tyre është prezantimi në gjermanisht dhe në shqip i prof. dr. Basil Schader, i projektit të Universitetit të Cyrihut në bashkëpunim me MASHT-in, “Standardet e Materialeve Mësimore”, që mbahet në Bibliotekën Universitare, më 21 maj, nga ora 14:00, prezantimi i librit në gjermanisht “Të Gjallët e të Vdekurit e Një Fëmijërie”, të shkrimtarit kosovar, Arif Demolli, që mbahet në kafe-librarinë “Dit’e’Nat”, më 21 maj, nga ora 20:00, “Mbrëmja e dialekteve gjermano-austro-zvicerane”, një kabare kjo satirike e pasuar me një koktej nga ambasadorja e Zvicrës në Kosovë, që mbahet në “Dit’e’Nat”, më 23 maj, nga ora 20:00 dhe aktivitete tjera.