Doktori shqiptar Driton Gjukaj merr çmim të rëndësishëm për punën e tij

Doktori me prejardhje shqiptare Driton Gjukaj ka marrë çmim të rëndësishëm në Valencia të Spanjës për punën e tij si përfaqësues i Zvicrës.

“I nderuar që kam marrë çmimin Thea Trophy 2022-2023 si fitues kombëtar për Zvicrën me temën “Kur çrregullimi i sipërfaqes së syrit komprometon kirurgjinë e syrit”. Pjesëmarrja në ceremoninë sot në Valencia, Spanjë, dhe prezantimi i raportit tonë të rastit në sesionin e posterit gjatë kongresit EVER EVER ishte vërtet një përvojë pasuruese”, shkruan Gjukaj.

Ai e vazhdon falenderin për ata që e përkrahën.

“Një falenderim i përzemërt për Prof. Todorova dhe Prof. Valmaggia për mbështetjen, dhe një thirrje speciale për Armin Schnider nga Thea për organizimin e patëmetë. Mirënjohës për mundësitë dhe mësimet e nxjerra”, shkruan doktori shqiptar, përcjell albinfo.ch.

Driton Gjukaj është mjek i oftamologjisë në spitalin kantonal të St. Gallen në Zvicër.