Doli nga burgu, humb jetën nga tërmeti

Avokati i tij ka treguar se ai doli nga burgu, derisa ishte konfirmuar si viktima e parë

Kristian Preçi është një djalë i ri, i cili kishte dalë nga burgu vetëm pak ditë më parë.

Fatkeqësisht ai u nda nga jeta si pasojë e tërmetit të fuqishëm që tronditi Shqipërinë në orët e para të mëngjesit të sotëm, shkruajnë mediat shqiptare, përcjell albinfo.ch.

Kristiani ishte banor i Thumanës, zonës që u godit më shumë nga tërmeti, me tre pallate totalisht të shembur, nën rrënojat e të cilëve u gjetën viktima, ashtu sikundër pati edhe lajme të mira për të shpëtuar brenda atyre rrënojave.

Por Kristiani nuk pati atë fat. Lajmin për ndarjen e tij nga jeta e ka dhënë avokati i tij.

“Sot humbi jetën nga tërmeti Kristian Preçi, banor i Thumanës, klienti im që fitoi pafajësinë pas 5 muajsh burgim të padrejtë. Ngushëllim familjarëve, qoftë i parajsës. Kristiani ishte një djalë i mrekullueshëm. Iku shpejt”, shkruan avokati.

---