Dorëzohet grupi i armatosur shqiptar?

Keystone

Mediet në Shkup njoftojnë se grupi i paidentifikuar i armatosur shqiptar që ka zhvilluar luftime sot në Kumanovë, po dorëzohet. Hollësi rreth këtij akti nuk jepen por vetëm thuhet se grupi i armatosur në Lagjen e Trimave në Kumanovë është dorëzuar pas negociimit.

Mbi 30 personat e armatosur mësohet se janë dorëzuar me flamuj të bardhë, por nuk dihet se çfarë në të vërtetë po ndodh, shkruan agjencia INA.

Nga ana tjetër mësohet se MPB ka konfirmuar se nuk ka negociuar me askend dhe nuk jep detaje mbi këtë zhvillim.

Nga Ndërkohë, mediet proqeveritare maqedonase kanë theksuar se grupi prej 30 vetave pas negociatave i është dorëzuar policisë së Maqedonisë.

Tanimë janë ndërprerë edhe të shtënat dhe këto media bëjnë të ditur për përfundimin e operacionit dhe neutralizimin e grupit të armatosur.

Njësitet policore akoma janë në terren dhe po kontrollojnë disa vendbanime të dyshimta të kësaj zone.