Këngëtarja shqiptare Dua Lipa do të jetë një nga emrat kryesorë të festivalit të njohur të muzikës Coachella, një prej ngjarjeve më të mëdha muzikore në botë, transmeton albinfo.ch.
Ylli me famë ndërkombëtare do të ngjitet në skenën kryesore gjatë ditës së parë të festivalit, ku pritet të performojnë edhe artistë të tjerë të njohur, si Madonna, Zara Larsson, Peggy Gou dhe Kehlani.
Edhe ditët e tjera të festivalit do të sjellin emra të mëdhenj të muzikës botërore, përfshirë Tame Impala, The Neighbourhood, Becky G, SZA, Martin Garrix, Måneskin dhe Daddy Yankee.
Pjesëmarrja e Dua Lipës në mesin e artistëve kryesorë të Coachella-s përbën një tjetër paraqitje të rëndësishme të këngëtares shqiptare në skenën më të madhe ndërkombëtare të muzikës./Albinfo.ch
