Dua Lipa e para në radiot në SHBA

Dua Lipa është ngjitur në pozitën e parë të toplistës në zhanrin pop në radiot në SHBA, me “New Rules”.

Këngëtarja kosovare më herët ishte në listën e ngushtë të zhanrit pop me këngët “Blow Your Mind”, “Scared to Be Lonely” dhe “Be the One”, shkruan Billboard.

Top-lista për këngët pop llogarit transmetimet javore, të mbledhura nga Nielsen Music, që grumbullon të dhënat nga 40 radiostacione, transmeton Albinfo.ch.

“New Rules” u lansua në korrik të vitit 2017 dhe shpejt u bë top-hit në Evropë, ndërsa në Amerikë po shijon sukseset më vonë. Kjo këngë është në pozitën e tetë të top-listës top 100 në Billboard.