Dushku: U abuzova seksualisht në moshën 12-vjeçare

Aktorja ka treguar se ngacmimi ka ndodhur 25 vjet më parë në xhirimet e filmit "True Lies"

Aktorja shqiptare me famë botërore, Eliza Dushku, ka bërë një rrëfim tronditës për shumëkënd. Ajo nëpërmjet profilit të saj në rrjetet social ka njoftuar se është abuzuar seksualisht në moshën 12-vjeçare nga një prej koordinatorëve të dublantëve më të suksesshëm të Hollivudit.

Aktorja ka treguar se ngacmimi ka ndodhur 25 vjet më parë në xhirimet e filmit “True Lies” nga Joel Kramer. “Ua tregova prindërve dhe vëllait këtë ndodhi. Askush nuk dinte si të vepronte ose të përballej me këtë situatë tabu që ishte atë kohë.

Jam mirënjohëse ndaj femrave që janë rrëfyer përpara meje muajt e fundit. Ato më dhanë forcën dhe mua për t’u rrëfyer”, ka shkruar ndër të tjera aktorja.