DW: U sulmuan dy xhami në Gjermani

Gjatë javë së kaluar janë sulmuar dy xhami në Gjermani.
Sipas mediave gjermane sulmuesit hodhën gurë ndaj xhamisë Qëndrore në Kassel duke shkaktuar dëme të konsiderueshme materiale.
Kjo xhami menaxhohet nga Komuniteti Islam Turk (DITIB), kurse kryetari i bordit të xhematit Seyfettin Eryoruk tha se sulmi ka ndodhur në momentet kur në xhami nuk kishte askush.
Krahas sulmit të kësaj xhamie, ka ndodhur edhe një sulm tjetër, në shënjestër të sulmit vandal ishte edhe xhamia Rahman në Bremen, ku më së shumti frekuentohet nga afganët dhe pakistanezët, shkruan Deutsche Welle përcjellë albinfo.ch.
Në këtë sulm sipas autoriteteve të sigurisë, sulmuesit grisën të paktën 50 Kurana dhe disa prej tyre i hodhën në toalet.
Ndaj këtyre sulmeve ka pasur reagime nga Konsulli Turk në Frankfurt, Burak Kararti, i cili bëri thirrje autoritetve gjermane të kapin autorët dhe të nxjerrin para drejtësisë.
Reagim ndaj këtyre sulmeve ka pasur edhe nga deputeti i Unionit Demo-kristian (CDU) në parlamentin krahinorë Oguzhan Yazici, i cili u bëri thirrje autoriteteve të ndërmarrin masa dhe të mbrojnë xhamitë dhe sinagogat në mënyrën e duhur.
Në të dyja rastet prokuroria ka nisur hetime, kurse më herët sulme të ngjashme në xhamitë në Gjermani, pretendohet se kanë kryer simpatizuesit dhe protagonistët e Partisë Kurde PKK.