Dy hajdutë francezë arrestohen në Aargau pas ndjekjes me makinë

Makina e vjedhur dhe ndjekje me shpejtësi të lartë, arrestohen dy shtetas francezë

Policia kantonale e Cyrihut dhe Aargaut arrestoi të hënën në mëngjes dy persona, të cilët po udhëtonin me një automjet të raportuar të vjedhur në Dübendorf, përcjell albinfo.ch.

Sipas njoftimit për media të Policisë së Cyrihut, të dyshuarit nuk tentuan të kalonin pa u vënë re, por përkundrazi u larguan me shpejtësi jashtëzakonisht të lartë nëpër qytetin e Cyrihut dhe më pas në autostradë në drejtim të perëndimit.

Gjatë ndjekjes, shoferi shkaktoi disa përplasje, duke rrezikuar seriozisht sigurinë në trafik. Në autostradën A1 pranë Oberentfeldenit në Aargau, automjeti u ndal, ndërsa shoferi dhe pasagjeri tentuan të iknin në këmbë.

Megjithatë, ata u kapën dhe u arrestuan nga policia. Autoritetet konfirmuan se të arrestuarit janë shtetas francezë, përkatësisht 17 dhe 21 vjeç.

Rasti është duke u hetuar nga autoritetet kompetente. /Albinfo.ch

---