Dy të ndaluar në Leposaviq, iu gjetën emblema të ushtrisë serbe

Policia ndalon serbin, në veturë i gjen emblema të ushtrisë, boks hekuri dhe shkop bejsbolli

Sot, policia e Kosovës ka bërë të ditur se ka ndaluar dy persona, te të cilët, ndër të tjera, janë gjetur e janë konfiskuar edhe dy emblema të ushtrisë serbe dhe një bluzë më mbishkrimin Wagner, përcjell albinfo.ch.

Policia ka njoftuar në raportin 24 orësh se rasti është duke u trajtuar si nxitje e urrejtjes, përçarjes e mosdurimit kombëtar.

“Policia ka ndaluar të dyshuarin mashkull kosovar, shtetas i Serbisë, duke drejtuar automjetin e tij, ku gjatë kontrollit i janë gjetur dhe konfiskuar: një boks hekuri, dy emblema të ushtrisë serbe dhe një shkop besjbolli, ndërsa te pasagjeri mashkull serb kosovar është vërejtur një bluzë me mbishkrim të shkronjës “Z’’, ndërsa nga mbrapa –shpinë me mbishkrim e grupit Wagner”, thuhet në njoftim.

Të njëjtit janë intervistuar dhe me vendim të prokurorit janë liruar në procedurë të rregullt hetimore.

 

---