Dyshohet për vrasjen e një prej plaçkitësve të argjendarisë në Suharekë

Policia e Kosovës, gjatë një aksioni policor për kapjen e të dyshuarve për plaçkitjen në Suharekë, bëhet e ditur se është detyruar të “neutralizojë” njërin prej të dyshuarve, përcjell albinfo.ch.

Dy të tjerë janë arrestuar. Dyshohet se një i dyshuari me inicialet D.G. ka mbetur i vrarë në aksionin policor. Policia e Kosovës ende nuk ka bërë një njoftim zyrtarë

Kujtojmë se në plaçkitjen në Suharekë ishte plagosur edhe një zyrtar i Policisë së Kosovës, i cili është jashtë rrezikut për jetë.

Ndërkohë raportohet se dy persona të tjerë janë arrestuar nën dyshimin se janë përfshirë në grabitjen e armatosur që kishte ndodhur më 22 nëntor, në një argjendari në qendër të Suharekës. Në tentativë për ta parandaluar plaçkitjen, ishte plagosur në këmbë një polic i Kosovës.