E gjithë bota e kundërshton Trumpin për Jerusalemin

Reagimet ndaj njohjes së Jerusalemit si kryeqytet të Izraelit nga presidenti Trump nuk kanë të ndalur. Arabia Saudite ka dënuar vendimin e SHBA-së që ta njohë Jerusalemin si kryeqytet të Izraelit, në mes të rritjes së krizës ndërkombëtare lidhur me këtë.

Në një njoftim, Mbretëria e Gjirit tha se njoftimi i presidentit Trump ishte i paarsyeshëm dhe i papërgjegjshëm. Por, kryeministri izraelit e quan ditë historike.

Me këtë vendim presidenti Trump ndryshoi anën e politikës disadekadëshe amerikane. Në anën tjetër, 8 prej 15 anëtarëve të Këshillit të Sigurimit kanë kërkuar takim urgjent lidhur me çështjen. Më të zëshmet kundër këtij vendimi janë shtetet myslimane, përfshirë disa aleate amerikane. E protestat tashmë kanë filluar nëpër disa vende.

Sipas sekretarit të përgjithshëm të OKB-së, kjo ditë është moment i ankthit të madh dhe, sipas tij, alternativa për zgjidhje të dy shteteve në Lindje të Mesme nuk ka.