Numri i turistëve të cilët po vizitojnë Shqipërinë po rritet çdo ditë e më shumë, duke përfshirë këtu edhe ata çekë e sllovakë, raporton albinfo.ch.
Turistët çekë janë rritur sidomos pasi këtë vit është lëshuar linja direkte e fluturimeve që lidh Pragën me Tiranën.
Rreth 14 mijë turistë kanë vizituar Shqipërinë në vitin 2016. “Shqipëria është bërë një destinacion i popullarizuar për turistët çekë në vitet e fundit, por ata udhëtojnë edhe individualisht, jo vetëm për bregdet, por edhe për malet shqiptare”, thotë ambasada çeke në Tiranë.
Numri i turistëve po rritet dhe ky numër është dyfishuar në krahasim me vitin 2010.
Por, edhe numri i turistëve sllovakë po rritet. Në vitin 2015 ishin rreth 12 mijë, kurse vitin e kaluar rreth nëntë mijë. Shqipëria fiton 1.5 miliard euro nga turizmi, gjysmë më shumë se Sllovakia.
“nova.blog.pravda.sk”, shkruan për mënyrën e udhëtimit në Shqipëri dhe vendet e jashtëzakonshme për t’i vizituar me çmime shumë të arsyeshme.
