Edhe Kosova kërkon lirimin e vajzave nigeriane

Vajzat janë rrëmbyer qysh më 14 prill dhe militantët njüe grupimi ekstrem islamik e janë zotuar se do t’i shesin ato

Kosova bëhet pjesë e një aksioni global humanitar.

Presidentja Atifete Jahjaga, ministrja Vlora Çitaku, ish deputetë të Kuvendit të Kosovës, përfaqësuese nga bota e artit dhe kulturës, të shoqërisë civile dhe aktiviste për të drejtat e njeriut, i janë bashkuar fushatës botërore #bringbackourgirls, për lirimin e 276 vajzave të kidnapuara në Nigeri nga militantët e grupit Boko Haram.

Siç është njoftuar tashmë, vajzat janë rrëmbyer qysh më 14 prill dhe militantët islamikë  janë zotuar se do t’i shesin ato, shkruan telegrafi.

Zonja e Parë e Shteteve të Bashkuara, Michelle Obama, ka thënë se kidnapimi masiv i vajzave në Nigeri është model i kërcënimeve dhe frikësimeve me të cilat përballen vajzat që duan të ndjekin shkollimin.

Ajo ka folur sot – në vend të bashkëshortit të saj – në adresimin e përjavshëm presidencial. Ajo ka thënë se është “e zemëruar dhe me zemër të thyer”.