Edhe në Britani ideja për t’u paguar pa punuar

Sipas ideatorëve, kjo do të nxiste njerëzit që të kenë më shumë mundësi për të bërë biznes, si dhe do të nxiste njerëzit më shumë për të punuar dhe për të përparuar

Britania e Madhe ka nisur një debat tjetër tani pas Brexit. Tashmë në opinionin britanik po diskutohet që të paguhen edhe njerëzit që nuk paguhen, shkruan albinfo.ch.

Kjo ide është përmendur edhe në disa shtete evropiane, megjithatë, pa gjetur mbështetjen e fortë.

Sidoqoftë, kjo skemë është duke eksperimentuar si në Finlandë apo edhe në Norvegji. Propozimi në Britaninë e Madhe është që të paguhen të gjithë qytetarët nën moshën 55-vjeçare nga dhjetë mijë funte, raportojnë mediat britanike.

Ky propozim do të ishte hapi i parë drejt pagës bazë për të gjithë. Propozimi fillestar është që të paguhen 5 mijë funte në vit, për dy vjet radhazi.

Sipas ideatorëve, kjo do të nxiste njerëzit që të kenë më shumë mundësi për të bërë biznes, si dhe do të nxiste njerëzit më shumë për të punuar dhe për të përparuar.

Studimi flet për krijimin e një fondi pasurie mbarëkombëtar si institucioni bazë i kësaj skeme.