Ekstradohet nga Gjermania shqiptari i dënuar me burgim të përjetshëm

Ai ishte dënuar me burgim të përjetshëm, pasi kishte vrarë një dhe plagosur dy të tjerë për motive të dobëta

Foto ilustrim

Ekstradohet nga Gjermania një shtetas shqiptar i dënuar me burgim të përjetshëm për vrasjen e një shtetasi dhe plagosjen e dy të tjerëve, ka bërë të ditur policia shqiptare.

Kjo ka ardhur si rezultat i bashkëpunimit të Interpolit të Tiranës dhe atij Wiesbaden. I ekstraduar nga Frankfurti është B.B., 29-vjeçar, banues në Draç, përcjell albinfo.ch.

Ai është shpallur në kërkim ndërkombëtar, pasi Gjykata e Rrethit Gjyqësor Durrës, e ka dënuar me burgim të përjetshëm, për kryerjen e veprave penale të “Vrasjes në rrethana të tjera cilësuese mbetur në tentativë” dhe “Mbajtja pa leje e armëve luftarake dhe municionit”.

Shtetasi B. B., ka qëlluar me armë zjarri në drejtim të shtetasve A.B., F.B., dhe V.B., të cilët kanë qenë duke prerë dru për të pastruar vendin ku do të ndërtohej një rrugë. Për pasojë ka mbetur i vrarë shtetasi A.B., dhe janë plagosur dy shtetasit F.B., dhe V.B., (nënë e bir).

Ngjarja ka ndodhur pas një sherri për motive të dobëta, ku njëra palë ka kundërshtuar prerjen e pishave.