Emisari i BE-së paralajmëron heqjen e sanksioneve ndaj Kosovës

I dërguari i Bashkimit Evropian për dialogun Kosovë-Serbi, Miroslav Lajçak, ka deklaruar se dialogu do të vazhdojë medoemos ndërsa u shpreh se pa normalizim të marrëdhënieve mes dy vendeve, nuk do të ketë të ardhme evropiane për asnjërën.

Sipas tij, normalizimi kërkon kompromis dhe duhet të arrihet përmes dialogut.

“Kushdo që thotë se dialogu ka vdekur, thotë se e ardhmja evropiane ka vdekur, sepse rruga në Evropë e Kosovës dhe Serbisë shkon përmes normalizimit”, ka thënë ai, përcjell albinfo.ch.

Ndër të tjera, Lajçak ka paralajmëruar se masat e Bashkimit Evropian ndaj Kosovës mund të largohen.

“Në rrethanat aktuale nuk duket mirë që Kosova është nën masa negative të BE-së dhe kjo çështje duhet adresuar. Heqja e sanksioneve është njëra mundësi që unë personalisht do ta mbështes”, u shpreh ai.