Erdogan: Më 28 maj do të shënoj fitore historike

Presidenti turk, Rexhep Tajip Erdogan, tha se është i sigurt për fitoren e tij në raundin e dytë të zgjedhjeve presidenciale.

“Ne do të fitojmë zgjedhjet e 28 majit, duke rritur përqindjen e votave të siguruara në zgjedhjet e 14 majit. Dhashtë Zoti do të shënojmë një fitore historike”, shkroi Erdogan në Twitter, përcjell albinfo.ch.

Komisioni Zgjedhor i Turqisë njoftoi zyrtarisht të hënën se raundi i dytë i zgjedhjeve presidenciale do të mbahet më 28 maj. Sipas rezultateve paraprake të raundit të parë të zgjedhjeve të mbajtur të dielën, kreu aktual i shtetit, Erdogan, fitoi 49,51 për qind, kundërshtari i tij, Kemal Kiliçdaroglu, 44,8 për qind të votave, ndërsa Sinan Ogan 5,17 për qind të votave.