Erërat e forta, mbyllet për vizitorë Kulla e Eifelit

Për shkak të erërave të forta të stuhisë “Eleano”, Kulla Eifel është mbyllur për vizitorë, bëri të ditur kompania që është përgjegjëse për ruajtjen e monumentit të famshëm në Paris.

Pjesët perëndimore dhe veriore të Francës dhe të rajonit të Parisit u goditën nga stuhia “Eleanor”, duke shkaktuar dëme të mëdha dhe përmbytje. Shumë aeroporte janë mbyllur dhe trafiku ajror është shmangur në pjesën lindore të vendit.

Në veri të Francës pothuajse 200,000 familje mbeten pa energji elektrike, njoftoi kompania energjetike “Enedis”, përcjell albinfo.ch.
Kompania SETA për shkak të erërave që në momente arrinin deri në 100 kilometra në orë, vendosi të mbyllë kullën e famshme të Parisit, e cila vizitohet nga më shumë se gjashtë milionë njerëz në vit.

“Për arsye sigurie, ne e mbyllëm Kullën Eiffel të mërkurën në mëngjes”, tha zëdhënësja e kompanisë.

Administrata e qytetit ka njoftuar se parqet, kopshtet dhe varrezat pariziane do të mbeten të mbyllura gjatë ditës.
Përndryshe, “Eleanor” është stuhia e katërt që goditi vendin që nga fillimi i dhjetorit, pas stuhive “Anna”, “Brunei” dhe “Carmen”.