Erërat rrëzojnë çatinë e muzeut në Malishevë

Erërat e forta që kanë përfshirë Komunën e Malishevës kanë dëmtuar çatinë e ndërtesës së muzeut të qytetit “Jahir Mazreku”, transmeton albinfo.ch.

Drejtuesit e kësaj komune kanë njoftuar se nuk ka pasur të lënduar në këtë rast edhe pse në kohën kur ka rënë çatia ka pasur kalimtar përreth muzeut.

“Të gjitha ekipet e sigurisë dhe të emergjencave, kanë dalë në vendin e  ngjarjes dhe janë duke u marrë me eliminimin e këtij dëmi dhe krijimin e sigurisë për qytetarë. Dëmi është i konsiderueshëm. Masa të menjëhershme ka marrë edhe komuna. Dëme më të vogla mund të shihen edhe në kulmet e ndërtesave tjera në qytet”, thuhet në njoftimin e komunës, transmeton televizioni Klan.