Erion Veliaj, në mesin e 40 kryebashkiakëve më të mirë në botë

Erion Veliaj është përzgjodh si një ndër 40 kryetarët e bashkive më të spikatura për hapjen e programit Iniciativat e Lidershipit në botë. Përzgjedhja u zhvillua në Nju Jork nën kujdesin e ish-kryetarit të bashkisë atje, Michael Bloomberg

Kryetari i Bashkisë së Tiranës, Erion Veliaj është përzgjodh si një ndër 40 kryetarët e bashkive më të spikatura për hapjen e programit Iniciativat e Lidershipit në botë. Përzgjedhja u zhvillua në Nju Jork nën kujdesin e ish-kryetarit të bashkisë atje, Michael Bloomberg.

Kjo nismë, e cila organizohet nga Bloomberg Philanthropies, Harward Business School  dhe Harward Kennedy School, është një përpjekje e parë në botë për të rritur bashkëpunimin dhe shkëmbimin e praktikave më të mira për drejtimin e një qeverie lokale, transmeton TCH.

Në këtë forum po marrin pjesë kryetarë të suksesshëm bashkish të qyteteve si Uashington DC, Varshavë, Vilnus, Stokholm e të tjerë.

Kryetarët e bashkive diskutuan mbi sfidat e menaxhimit të qeverisjes vendore dhe mundësitë që ekzistojnë për përdorimin e mekanizmave inovativë që rrisin dhe lehtësojnë shërbimin ndaj qytetarëve. Kjo nismë u krijon mundësi pjesëmarrësve të përfitojnë grante për zhvillim nga Bloomberg Philanthropies.