Escobar: Kosova e Serbia nuk po i zbatojnë Marrëveshjet

I dërguari i Shteteve të Bashkuara të Amerikës për Ballkanin Perëndimor, Gabriel Escobar, ka thënë që Kosova e Serbia nuk po i zbatojnë marrëveshjet e arritura.

Megjithatë, në një intervistë për RTK-në, emisari u shpreh se duhet të vazhdohet përpara, sidomos me marrëveshjen për Asociacionin e komunave me shumicë serbe.

“Më duhet të them se asnjëra s’po zbaton marrëveshjen, dhe më duhet të them që ne duhet të ecim përpara me te gjitha elementet, përfshirë dhe specifikisht Asociacionin e komunave me shumicë serbe. Ne po presim versionin e Kosovës për statutin e Asociacionit, e kjo duhet të bëhet tash”, deklaroi ai, përcjell albinfo.ch.

Tutje, ai ka theksuar edhe një herë rëndësinë e themelimit të Asociacionit.

“Por është përgjegjësi kryesore e Kosovës që të ecë përpara me Asociacionin e komunave me shumicë serbe. Çka duam ne si SHBA që është statuti për Asociacionin do të duhej kryer e të bëhet sa më parë. Po shpresoj që kjo të kryhet së shpejti”, u shpreh ai, përcjell albinfo.ch.

Për RTK-në, Escobar u ka bërë thirrje të rifokusohen në normalizim të marrëdhënieve.