ETH Zurich renditet universiteti më i mirë në Evropë

Universiteti i dytë më i mirë zviceran në renditje është Instituti Federal Zviceran i Teknologjisë i Lozanës (EPFL)

Instituti federal i teknologjisë zvicerane ETH Zurich mbetet universiteti më i mirë në Evropën kontinentale, sipas renditjes më të fundit të publikuar nga revista Times Higher Education.

Universiteti i dytë më i mirë zviceran në renditje është Instituti Federal Zviceran i Teknologjisë i Lozanës (EPFL), i cili është ngjitur me një vend që nga renditja e fundit në vendin e 32-të në Renditjen e Universiteteve Botërore 2025, shkruan Swissinfo.ch, transmeton albinfo.ch.

Universitetet amerikane dhe britanike kryesojnë listën: vendin e parë e mban Universiteti i Oksfordit (MB) për të nëntën herë radhazi. Kjo pasohet nga Instituti i Teknologjisë i Massachusetts (SHBA) dhe Universiteti i Harvardit (SHBA).

Asnjë universitet tjetër zviceran nuk përfshihet në 100 më të mirët. Universiteti i Cyrihut (UZH), i cili u përfshi, vendosi të tërhiqet në mars. Në atë kohë, UZH kritikoi faktin se renditjet e tilla krijojnë stimuj të rremë.

Vlerësimi i universiteteve bazohet në gjithsej 18 tregues që marrin parasysh mësimdhënien, kërkimin shkencor, transmetimin e njohurive dhe orientimin ndërkombëtar të institucioneve. Në listën e renditjes përfshihen gjithsej 2092 universitete.

 

 

 

---