Familja shqiptare gjen 115 mijë euro, i dorëzon në polici

Çanta me para është gjetur në Llogara, në zonën ku hidhen parashutat. Kjo çantë i përkiste dy shtetasve ukrainas

Policia shqiptare ka njoftuar se një familje turistësh shqiptar në Llogara të Vlorës, ka gjetur 115 mijë euro, dhe i ka dorëzuar në polici, përcjell albinfo.ch.

Sipas policisë shqiptare këto para janë të dy shtetasve ukrainas që nuk i ka deklaruar në pikën kufitare.

“Një familje turistësh shqiptar në Llogara, gjen një sasi prej 115 mijë euro dhe i dorëzon në Polici. Policia e Vlorës i falënderon për aktin qytetar. Policia në përfundim të verifikimeve se kujt i përkiste kjo shumë monetare, ka sekuestruar shumën monetare prej 115 mije euro dhe ka proceduar penalisht dy shtetas ukrainas për mosdeklarim të ardhurash në Pikën e Kalimit Kufitar!”, thuhet në njoftimin e Policisë.

Çanta me para është gjetur në Llogara, në zonën ku hidhen parashutat. Kjo çantë i përkiste dy shtetasve ukrainas. S.M., 62 vjeçe, dhe P.K., 57 vjeç, banues në Ukrainë janë arrestuar nga policia shqiptare. Policia ka sekuestruar në cilësinë e provës materiale shumën e vlerave monetare.

https://web.facebook.com/1502420603377639/videos/2039097753043252/