FC Kosova pëson humbjen e dytë radhazi

Skuadra shqiptare FC Kosova Zurich ka pësuar humbjen e dytë radhazi

Pas një fillimi të furishëm FC Kosova pëson humbjen e dytë me radhë, kësaj radhe nga kundërshtari FC Uzwil.

Golashënues të skuadrës kundërshtare ishin dy futbollistë shqiptarë, Ajet Sejdija dhe Getuart Asani, përcjell albinfo.ch.

Me këtë humbje FC Kosova ka rrëshqitur nën mesin e tabelës, duke krijuar kështu një distancë pikësh nga lideri FC Kreuzlingen.

FC Kosova është në vendin e dhjetë, ku nga tetë ndeshje ka tri fitore, një barazim dhe katër humbje.

Ndeshja e radhës zhvillohet në shtëpi kundër USV Eschen/Mauren, ku skuadra shqiptare do të luftojë për tri pikë.

---