Ferizaj i bashkon bizneset

Prefekti i Ferizajt, Muharrem Svarqa tha se komuna e tij do të bashkëpunojë ngushte me rrjetin e bizneseve shqiptare të Zvicrës

Kryetari i Komunës së Ferizajt, Muharrem Svarqa dhe kryetari i Rrjetit të bizneseve shqiptare në Zvicër, Naser Mustafa u dakodruan që në fund të këtij muaji të organizohet një takim i përbashkët me afaristë të komunës së Ferizajt dhe ata të shqiptarëve të diasporës, ku do të marrin pjesë edhe ata të Odës Ekonomike të Kosovës.

Svarqa i shoqëruar edhe nga drejtori i Zhvillimit Ekonomik dhe Turizmit Enver Haliti,  kanë pritur në një takim kryetarin e rrjetit të bizneseve shqiptare në Zvicrës, Naser Mustafa si dhe afaristin e suksesshëm nga qytetit i Ferizajt, Xhavit Mustafën.

Prefekti i Ferizajt tha se komuna e tij do të bashkëpunojë ngushte me rrjetin e bizneseve shqiptare të Zvicrës.

Rrjetit të bizneseve shqiptare në Zvicër është themeluar në Diasporë më iniciativë të mërgimtarëve kosovar dhe selinë e saj e ka në Bernë. Ky rrjet i bizneseve ka bashkëpunim të ngushtë edhe me Odën Ekonomike Kosovare, ndërkaq në këtë rrjet janë të anëtarësuar rreth 200 biznese.

Siç thuhet në një komunikatë për media, temë kyçe e këtij takimi ishte edhe organizmi i panairit të përgjithshëm që do të mbahet në Prishtinë me 29 prill ku do të marrin pjesë edhe bizneset nga qytete i Ferizajt, transmeton albinfo.ch.

Po ashtu në taki u bisedua edhe për mbarëvajtjen e projekteve që ka Drejtoria e Zhvillimit Ekonomik në Ferizaj, ndërsa takimi ishte në vazhdën e takimeve thithjen e investimeve nga jashtë.