Festivali treditor i aeroportit të Cyrihut mbledh 140 mijë vizitorë

Foto: Zurich Airport

Përfundon festivali treditor i aeroportit të Cyrihut që feston 75-vjetorin.

“Ne mirëpritëm rreth 140,000 vizitorë këtë fundjavë”, njofton faqja e aeroportit në Facebook, përcjell albinfo.ch.

Festivali i aeroportit tërhoqi një interesim të madh. Veçanërisht për shfaqjen ajrore Patrouille Suisse të dielën pasdite, numri i vizitorëve ishte i lartë, duhej organizuar daljen në faza, në mënyrë që terminali i autobusëve dhe hekurudhat e trenit të mos tejmbusheshin, thuhet tutje në njoftim.

Si rezultat, disa herë kishte vonesa dhe pritje për udhëtimin e kthimit. “Ne e kuptojmë se kjo situatë kërkonte shumë durim dhe falënderojmë të gjithë për mirëkuptimin. Në përgjithësi, ne ishim të kënaqur të mirëpresim shumë mysafirë në të tri ditët dhe patëm mundësi të përjetonim një festë të mrekullueshme përvjetorin së bashku me publikun”.