Filipine: Puna e rrezikshme, për 20 centë

Çdo ditë, mijëra filipinas kalojnë pranë hekurudhave të Manilës, jo për të marrë trenin, por për të marrë një karrocë prej druri me rrota që shtyhet nga një burrë filipinas.

Ata këtë e bëjnë për të shkuar në punë dhe për të shmangur trafikun e qytetit. Reynaldo Diaz, 40 vjeç, është një nga më shumë se 100 operatorë përgjatë shiritit 28 km. Ai fiton 20 centë për çdo udhëtim. Ai jeton në një kasolle të improvizuar me dy djemtë e tij dhe këtë punë e bën që kur ishte 17-vjeçare, përcjell albinfo.ch.

“Unë e bëj këtë, sepse kjo është e vetmja lloj pune që mund të gjendet këtu”, tha Diaz. Diaz fiton rreth 10 dollarë çdo ditë, mjaftueshëm për familjen e tij.  Megjithatë, modaliteti i lirë i transportit vjen me rrezikun e vet – ata që e shtyjnë dhe hipin, duhet të kujdese për të shmangur katastrofën.

“Sigurisht që kemi frikë nga trenat, prandaj sa herë që po i shtyjmë këto karroca, ne gjithmonë shohim prapa krahëve, kështu që ne mund të shohim nëse vjen ndonjë tren”, tha Jun Albeza, 32 vjeç, i cili ka shtyrë karrocat për katër vjet, pasi u pushua nga puna.

Nuk ka pasur aksidente fatale, që kur shërbimi i improvizuar filloi dekada më parë. Rreth 13 milionë filipinas jetojnë në Manila.