Filmi “Black Panther” e rrëzon nga ‘froni’ “Titanikun”

Filmi “Black Panther” vazhdon të rishkruajë historinë me arritjen e tij të fundit. Pasi fitoi më shumë se 1 miliard dollarë në mbarë botën vetëm pak kohë pasi doli në kinema dhe u shpall zyrtarisht si filmi më komercial ndonjëherë në Shtetet e Bashkuara, tash po shkon drejt rekordeve të reja.

Sipas Fobes, filmi i regjisorit Ryan Coogler është në rrugën e duhur për ta tejkaluar “Titanikun” duke u bërë filmi me fitime më të mëdha, përcjell albinfo.ch.

“Black Panther”, i cili ka një total prej 652.5 milionë dollarë fitime, është në vendin e katërt. Për vetëm 6.8 milionë dollarë filmi me superhero do të jetë në gjendje që t’ia kalojë “Titanikun” që është realizuar në vitin 1997, e kjo pritet të ndodhë këtë fundjavë.